Друштвена игра: НА БУКВА, НА БУКВА...

Упатство за играње

Играчи: 2-4 
Елементи: Книга за животните, 106 карти, табла со симболи, 36 жетони, 1 коцка

Како се игра оваа игра:

Почнува играчот на кој ќе му се падне најголема бројка на коцката.

Тој ја фрла коцката над таблата со бои и симболи. Полињата на таблата се во 3 бои и секоја боја претставува одделна група: сина за тие што пливаат, жолта за тие што летаат и зелена за тие што се движат по земјата.

Ако коцката падне на средината од таблата, тогаш играчот сам одбира од која група ќе погодува.

Откако ќе се одбере поле, еден од соиграчите влече карта од соодветната група. На пример, ако коцката падне на зелено поле и бројката на коцката е 2, се влече зелена карта. Ако картата е со кенгур, се кажува: „Кажи едно животно на буквата к“. Бидејќи е зелена карта, се знае дека е животно што се движи по земјата. Играчот има 2 шанси да погоди.

Ако играчот го погоди животното, ќе добие соодветен жетон. Ако не го погоди, го губи редот во наредниот круг. Потоа игра наредниот играч.

Победник е тој што прв ќе собере по 3 жетони од сите групи и се прогласува за најдобар истражувач!