Друштвена игра: „БУУУ“

Сетот содржи:
• 5 жетони со ликови • 52 картички за движење (12 за вештерката, 36 за играчите и 4 „бууу“)
Почеток на играта:
1. Секој играч добива по 3 картички и ги отвора за сите да ги видат. Другите картички остануваат во купче и се влече од нив по секоја изиграна картичка.
2. Прв почнува најмалиот играч, а потоа се оди според движењето на стрелките на часовникот.
Како се игра?
3. Играта „Бууу“ е тимска и целиот тим мора да стигне до замокот на Бу пред лошата вештерка за да ја спречи да го маѓепса.
4. Играчите не одбираат еден лик од жетоните со Биби, Боби, Бу и Фи, туку секој може да игра со кој било лик за најбрзо да го донесе до целта (тука играчите се договараат и прават стратегија).
5. Од трите картички играчот ја одбира онаа со која ќе помине најголемо растојание, па ја става настрана и влече нова (во секој момент играчите треба да имаат по 3 картички).
6. Доколку полето што треба да го изигра играчот е зафатено, тогаш оди на наредното поле со таа боја и го прелетува тој играч.
7. Картичка вештерка: кога ќе се падне оваа картичка, играчот мора првин неа да ја изигра и да го придвижи жетонот со вештерката по посебната патека за вештерката.
8. Картичка „бууу“ – оваа картичка ја враќа вештерката едно поле наназад. И оваа картичка се игра веднаш штом ќе се извлече.

Крај на играта:
Играта завршува кога сите ликови ќе стигнат до замокот. Ако вештерката стигне прва, таа е победник. Играчот може да влезе во замокот кога ќе му се падне картичка со иста боја како едно од ЦЕЛ-полињата. Доколку нема соодветна боја, влече картички додека не му се падне или додека вештерката не победи.

Идеи за подобро играње/стратегија:
Не дозволувајте некој од ликовите да заостанува. Играјте иста боја повеќе пати.
На овој начин ликовите поминуваат најголем пат.
Играјте тимски и размислете со кои потези ликовите најбрзо ќе стигнат до замокот.