Роботчето Р1
Што е тоа? Дали навистина Боби направи роботче!? Со помош на Зина, Зази и Биби, Р1 оживува и почнува да прави неверојатни работи — толку моќни што ја претвора гаражата на Боби во суперопремена лабораторија и отвора портал што води кон нови дестинации и авантури!
Зошто ја сакаат децата:
- Возбудлива приказна за технологија и фантазија
- Поттикнува љубопитност и имагинација
- Совршена за заедничко читање и разговор за пријателство, истражување и слобода на мислата
Оваа книга е идеална за дечиња што сакаат приказни со научни елементи, машини и магични откритија — подарок што ќе ги инспирира и ќе ги води кон нови идеи!
Рудникот на Џемаил
Биби и Боби наоѓаат пештера на Волшебната планина – но оваа пештера крие изненадување!
Всушност, тоа не е пештера, туку рудник каде живее осамено џуџето Џемаил, кој ископува скапоцени камења. Што ќе се случи кога Биби и Боби ќе го запознаат и како ќе се развие нивната нова авантура?
Прочитајте ја оваа сказна за пријателство, храброст и магични моменти во рудникот на Џемаил!
Самовилска ливада
Луна ги кани Биби и Боби на необичен излет – во самовилската ливада, место за кое се раскажуваат само шепоти и легенди. Оооо... Шшшш... Лесен ветер ги ниша светкавите тревки, а во воздухот треперат ситни светулки како ѕвезди.
Но ливадата не е само убава – таа крие тајни, магични суштества и едно мало изненадување што ќе ги научи Биби и Боби колку се важни пријателството, храброста и вербата во чудата. Со кого ќе се сретнат и каква магија ќе откријат во срцето на самовилската ливада?
Скриената долина
Тајната на пештерата
Биби и Боби го поминуваат зимскиот распуст на планина – скијаат, се санкаат и уживаат во снегот. ❄️
Но, кога ќе откријат скриена пештера под снегот, започнува нивната неверојатна авантура. Внатре се наоѓа таинствениот град Мразилово, каде ги чекаат необични жители, но и некои стари пријатели.
Прочитајте ја оваа магична зимска приказна за пријателство, храброст и откривање на тајни кои се криеја целиот зимски период!
Тајните на планетата Заз
Фи ја губи моќта
Малата вештерка Фи одеднаш останува без својата магија и светот околу неа почнува да изгледа поинаков и постуден. Дали тоа значи дека сѐ е изгубено?
Биби и Боби не се откажуваат од својата пријателка и тргнуваат во нова авантура исполнета со предизвици, надеж и храброст. Низ искушенијата што ги минуваат заедно, тие откриваат дека вистинската сила не доаѓа само од магијата, туку од пријателството и вербата еден во друг.
Ќе успее ли Фи да си ги врати своите способности и повторно да заблеска?
Чет, чет, чет… Четкај ги запчињата
Колку посебен ден! Тато Тино им подготвува незаборавно изненадување на Биби и Боби – кампување во дневната соба, во две малечки шаторчиња, додека мама Ана е на пат.
А кога се кампува, се знае – се јадат сендвичиња, колачиња и се пие топло чоколадо! Но по слатката забава доаѓа и важната мисија: чет, чет, чет – време е за четкање на запчињата!
Дали Биби и Боби ќе научат дека грижата за забите е дел од секоја авантура? Забавна и поучна приказна што ги учи децата дека здравата насмевка е најубавото кампинг-искуство.
Џиновска инвазија
Алфеј вознемирено лета кон Биби и Боби – нешто многу важно се случува во Скриената долина!
Прекрасната, мирна долина на еднорозите е нападната од џиновите од Џин-земја. Кој може да ја запре оваа страшна џиновска инвазија и да ја врати мирната магија во долината?
Придружете се на Биби, Боби и нивните пријатели во возбудлива авантура полна со храброст, фантазија и многу непредвидливи моменти!
Шумска револуција
Целата шума е на нозе! Жителите се обединуваат за да го одбранат најстариот чинар – дрвото што ги собира сите под својата сенка и од кое се прави највкусното кремче. Но мирот е нарушен кога лош ловец пристигнува со својот бучен багер, решен да го сруши древното дрво.
Дали храброста, заедништвото и љубовта кон природата ќе бидат доволни за да ја спасат шумата? Во оваа возбудлива приказна, малите читатели учат дека кога сме обединети, можеме да заштитиме сè што ни е важно.
Шумски пожар
Што се случува во волшебната шума? Од каде се појави густиот чад што се издига над високите дрвја? Дали некој навистина подметнал пожар?
Оооо... Пук-пук! Шшшш! Пламените јазици се шират, а животните исплашено бараат засолниште. Биби и Боби веднаш ја повикуваат малата вештерка Филимена, и заедно организираат храбра акција за гаснење на пожарот.
Со магија, досетливост и тимска работа тие се обидуваат не само да ја спасат шумата, туку и да откријат кој стои зад оваа опасна тајна. Дали ќе го пронајдат виновникот пред да биде предоцна?