Луна ги кани Биби и Боби да ѝ се придружат на интересен излет - во самовилската ливада. Биби и Боби се љубопитни да дознаат повеќе за ливадата и по што е таа посебна, а што ќе откријат и со кого ќе се сретнат таму - ќе дознаете кога ќе ја прочитате оваа сказна.

Животните во шумата се во потрага по некого: „Каде е неговото величество? Сте го виделе ли некаде?“ - мрморат додека талкаат по шумата. „Кого ли го бараат?“ - се прашуваат Биби и Боби и се придружуваат во потрагата по најнеобичниот крал на животните што постои. Зошто и како - ќе откриете во оваа сказна.

Во волшебната шума се доселуваат нови, необични жители. Какви? Па... мошне мрзлив(ц)и! Сите освен еден, кој е поинаков од нив. Не бидете мрзливи и прочитајте веднаш како Боби и малиот мрзливец Мики си ги заменија местата и што се случуваше потоа...

Алфеј вознемирано лета - ита накај Биби и Боби. Што се случува во Скриената долина? Замислете, оваа прекрасна, мирна долина на еднорозите е нападната од џиновите од Џин-земја! Кој може да ја спречи оваа страшна џиновска инвазија?

Што ќе се случи кога ќе се спојат две древни јапонски вештини? Борачката вештина - карате и вештината на пишување јапонска хаику поезија - со која треба да владее секој добар каратист.

Биби и Боби се запознаа со ново другарче - Луми, кој мисли дека е последната светулка на светот! Ќе можат ли Биби, Боби и нивниот пријател облакот Бени да направат нешто за Луми да затрепка во сиот свој сјај?