Во оваа сликовница нашата хероина Биби се запознава со џиновите, на кои несомнено им е потребна нејзината помош. Таа ги учи своите нови пријатели дека перењето, чистењето, раскревањето, но и грижата за личната хигиена се активности што не смеат да се избегнуваат, без разлика на полот, ниту возрастта. Во сликовницата се вклучени и голем број забавни активности.
Биби, Боби, Зази и Дедо Мраз од Заз слетуваат на планетата Заз. Ооо, колку е прекрасно да се запознае нова планета! Но нешто не е во ред...
Вештерката се врати во волшебната шума! И, овој пат таа не е сама, има и помошничка - една мала вештерка по име Фи, која никако не умее да направи лоша магија.
Убав сончев ден. Биби, Боби, Зази, Зина и Р1 шетаат низ градот. Поминуваат покрај природонаучниот музеј и... одеднаш се слуша силен аларм, а од музејот истрчуваат – три зазулчиња (и еден мал камен – метеор – во раце кај едното од нив)! По нив трча чуварот на музејот. Биби и Боби се шокирани. Што ли зеле тие зазулчиња❓
