Биби, Боби и Зази тргнуваат во несекојдневна авантура низ целата вселена за да стигнат навреме на новогодишната прослава на планетата Заз. Но дали ќе успеат?

Убав сончев ден. Биби, Боби, Зази, Зина и Р1 шетаат низ градот. Поминуваат покрај природонаучниот музеј и... одеднаш се слуша силен аларм, а од музејот истрчуваат – три зазулчиња (и еден мал камен – метеор – во раце кај едното од нив)! По нив трча чуварот на музејот. Биби и Боби се шокирани. Што ли зеле тие зазулчиња❓

Животните во шумата се во потрага по некого: „Каде е неговото величество? Сте го виделе ли некаде?“ - мрморат додека талкаат по шумата. „Кого ли го бараат?“ - се прашуваат Биби и Боби и се придружуваат во потрагата по најнеобичниот крал на животните што постои. Зошто и како - ќе откриете во оваа сказна.

Едно палаво гостинче ќе ѝ дојде на Биби во посета. Таа е возбудена и сака заедно со Боби да му покаже што се прави додека е дома. Но, гостинот е немирко и не знае да се однесува убаво. Да не ве потсетува ова однесување на некого? Па, да, тоа е диносаурусчето Даро! Јееј!

Биби и Боби заедно со Фи и Бу тргнаа во магична пролетна авантура. Тие се тим што има многу важна мисија. Ќе успеат ли да ја победат лошата вештерка и да ја вратат пролетта во преубавиот Галичник.

Прекрасна, волшебна, снежна авантура на Биби, Боби и еден неверојатен, фантастичен, односно снешкастичен - снешко! А зошто е толку снешкастичен, ќе откриете читајќи ја оваа сказна.