Едно палаво гостинче ќе ѝ дојде на Биби во посета. Таа е возбудена и сака заедно со Боби да му покаже што се прави додека е дома. Но, гостинот е немирко и не знае да се однесува убаво. Да не ве потсетува ова однесување на некого? Па, да, тоа е диносаурусчето Даро! Јееј!
Биби и Боби го поминуваат зимскиот распуст на планина: се скијаат, се санкаат и играат во снегот. Но, откако ќе откријат пештера скриена во снегот, почнува нивната неверојатна авантура - во скриениот град Мразилово каде што ги чекаат необичните жители, но и некои стари пријатели...
Биби, Боби наоѓаат пештера на волшебната планина. Веќе ја знаете оваа приказна? Но, еве едно изненадување: пештерата не е пештера, туку рудник, а во него живее осамено, ископувајќи скапоцени камења, џуџето Џемаил. Што ќе се случи понатаму, ќе прочитате во оваа сказна.
