Другарчиња, сте чуле ли за новата жителка на волшебната шума? Не? Значи не знаете за хаосот што го направи таа... Дури и во сликовницава! Многу е мала, а многу е немирна, трча наоколу и се губи. Ќе ни помогнете ли да ја најдеме? Да? Јееј!
„Читанката на Биби” е наменета за различни возрасти. За најмалечките - на кои би им читале родителите, бабите или дедовците, како и за оние од училишна возраст кои ќе ги научат буквите и ќе ги совладаат текстовите од „Букварот на Биби”. Тие ќе бидат подготвени да продолжат со текстовите и задачите што ќе ги најдат низ страниците на оваа читанка.
