Убав, летен ден во волшебната шума. Птиците црцореа, пеперутките летаа, зајачињата играа криенка... 🐇🐇🐇 Но, каков е тој звук? Дали доаѓа од она големо дрво? - Хе хеу! Успеавмееее! - од крошната на дрвото се слушна гласот на Боби. - Јееј! Куќичката на дрво е готова! - веднаш по него допре и гласот на Биби
Во оваа сликовница нашата хероина Биби се запознава со џиновите, на кои несомнено им е потребна нејзината помош. Таа ги учи своите нови пријатели дека перењето, чистењето, раскревањето, но и грижата за личната хигиена се активности што не смеат да се избегнуваат, без разлика на полот, ниту возрастта. Во сликовницата се вклучени и голем број забавни активности.
